Kum 2012 hnulama mipui hmaa sermon a sawi leh hmasak berah Iran ram hruaitu lu Ayatollah Ali Khamenei-a’n an ram sipai Islamic Revolutionary Guard Corps te’n passenber phur Ukraine thlawhna an kahthlak thuah an thlavang a hauh a, US President Donald Trump-a’n a thusawia fimkhur turin a vaukhan let nghal.

0
346
views

Iran sipai general Qasem Soleimani-a US in a tih hlum hnua Iran sipaiten Ukraine thlawhna pakhat an kah thlak chungchangah khawvel leh an ram mipui ngeite pawh Iran sipaite lakah an lungawi lo a, hetihlai hian Khamenei-a hian thlawhna kah thlak a ni chu chhiatna rapthlak tak a nih rualin, hei hi Iran hmelma ramte chuan remchanga hmangin Iran sipaite beng hniamna atana hman an tum a ni a ti a, an ram tana martar Soleimani-a chungchang hliah khuhna atan hman tumin an hmelma ramte chu thlawhna kahthlak chungchangah an lawm zawk a ni a ti.

Khameinei-a thusawi chungchangah hian US President Donald Trump-a chuan social mediaah thu ziakin, Sal bet tlattu aiin Iran mipuite chuan an beiseina leh an duhna ti hlawhtling thei tur sorkar neih an phu a ni a ti.

Khamenei hian Pathian an lamah a \an avangin hlawhtling takin Iraq-a US sipaite inkhuarna chu missile hmangin an kap tih a sawi bawk a, US in Soleimani a thah dan chu firfiaka chetna a ni a ti bawk.

Iran-in US sipaite missile-a a kahnaah thi leh hliam an awm lo niin a tirah US chuan sawi mahse, sipai 11 te chu nikhaw hre loa an awm vanga enkawlna pek an nih thu Ningani khan a sawi a ni.