Silai hmetpuaktu Kyi Lin leh a thurualpui Aung Win Zaw te hi thi tura an chung thu rel a ni a, midang pahnih inhnamhnawiha puhte pawh thiam loh chantir an ni. Thi tura an chungthu rel te hi tih hlum an ni tak tak dawn em tih erawh a chiang lo a, Myanmar ah hian kum 30 liamta chhung khan misual tih hlum an awm tawh lo a ni.
Ko Ni hi National League of Democracy hruaitu nu Aung San Suu Kyi-i Legal Adviser a ni a, Amah hi Myanmar sipaiten an duan kum 2008 constitution siam danglam tumtu a ni a, hei vang hian hmelma lian tak a insiam ta nia ngaih a ni.
