Kum 30 zet liamta-a Afghanistan-a kahthlak, Russia indo thlawhna khalhtu chu tunhnai khan damin a la awm tih hriat chhuah a ni

Kum 30 zet liamta-a Afghanistan-a kahthlak, Russia indo thlawhna khalhtu chu tunhnai khan damin a la awm tih hriat chhuah a ni. Paratroopers Union hotupa Valery Vostrotin chuan he pilot hi a la dam ngei tih finfiah a ni tih sawiin Russia rama haw a duh avangin \anpui a ngai tih a sawi. Vostrotin hi Russia leh US in indona-a hmelma ten an man prisoner of war te dap chhuah hna thawktu pawla Russia lam hotupa a ni a, tuna pilot la dam an hmuh chhuah hi a hming thup rih a nih thu a sawi a, a thlawhna khalh lai chu kum 1987 khan kahthlak a ni tih a sawi. He pilot hi Afghanistan in prisoner of war te an dahna hmun Pakistan-ah a awm nia an hriat thu pawh Vostrotin chuan a sawi. Kum 1979 leh 1989 inkar khan Soviet thlawhna 125 chu Afghanistan ah hian kah thlak a ni a, Soviet sipai te hi kum 1989 ah Afghanistan a\angin an in la chhuak a, sipai 300 vel zet chu an chin hriat lohin an bo a, heng zinga 30 chu an awmna chhui chhuah anih hnuah an ramah hruai haw an lni tawh a ni.