Rajya Sabhaah hian member 69 te an term a tawp dawn a, heng zinga 18 chu BJP member an nih laiin 17 chu Congress member an ni a, seat ruak mek 4 a awm sa avangin kumin hian member 73 an lut thar dawn tihna a ni. Member thar lut thei tur awm te dinhmun thlirin, BJP chuan 2018 leh 2019 chhoah State Assembly inthlanna a hloh nual avangin awmze nei thama hmasawnna a neih a beisei awm lo a, hetihlai hian Congress chuan ama pualin emaw, a thawhpuite nen emaw member a neih pun chhoh rin a ni thung.
Union Minister Hardeep Singh Puri leh Ramdas Athawale te bakah kumina an term tawp tur zingah hruaitu langsar Sharad Pawar, Digvijay Singh leh Vijay Goel te pawh an tel a ni.
Member 250 awmna Rajya Sabhaah hian BJP chuan member 83 neiin Congress in member 46 a nei mek a ni.
Kumina an term tawp tur zingah Mizoram, Meghalaya, Manipur leh Arunachal Pradesh a\anga member pakhat \heuh te pawh an tel a ni.
