Kurdistan inlakhran chungchangah mipui ngaihdan lakkhawm a ni, Iraq sorkar lungawi lo

0
335
views

Iraq rama Kurdish miten zalenna neia Iraq ram a\anga inlak hran an duh leh duh loh chungchanga mipui ngaihdan an lakna-ah za zela 92.73-in inlak hran an duh a, mipui zaa 72.61 velin vote hi an thlaka ngaih a ni. Iraq-a Kurdish mite hruaitu, Massud Barzani chuan, chawp leh chilha zalenna puan an tum loh thu leh, thuneitute nena inbiak \ha an tih thu a sawi a, Iraq PM, Haider al-Abadi erawh chuan mipui ngaihdan lakna ringawt behchhana inbiakna buatsaih chu sorkarin a tum loh thu leh, Kurdistan tia sawi ram chinah pawh Iraq ram dan hman zui zel a nih tur thu a sawi. Hun rei tak, an puala ram din lo tum tawh, Kurd mite ngaihdan lak khawm hi UN leh US pawhin hun lo an tih thu an lo sawi tawh a, IS mi firfiak pawlte do kawnga thawh hlawk tak, Kurdish sipaite leh mipui rilru pawh tiphawklek thei thil a nih avangin sawisel a hlawh hle a ni. Mipui ngaihdan an lak luih avang hian Iraq PM chuan Kurdistan Regional Government-in a enkawl mek \umhmun pahnih, Erbil leh Sulaimaniya chu Iraq sorkar kuta hlan turin a lo ti tawh a, hei hi KRG chuan hnawlin, inbiak an duh thu an lo sawi avangin Iraq PM chuan heng \umhmun-te hi tlawh pawh theih loha siamah a vau a, he vauna hi tihpuitlin pawh a inpeih reng tih a sawi bawk. Kurdish mite leh Iraq sorkar inkara buaina hi a sosang chak hle a, mi tam zawk chuan Barzani hian thuneihna chan a duh avangin UN duh dan kalhin mipui ngaihdan hi a laktir niin an sawi a, Turkey President pawhin he thutlukna hian buaina lian tak a thlen thei dawn nia sawiin, hnam leh hnam inkarah buaina a chhuah theih bakah, sût leh a nih loh chuan Kurdistan-a tuialhthei an thawn luhte tihtawp a nih bakah, inkalpawhna zawng zawng pawh an khar vek tur thu a sawi bawk a ni.