Ladakh-a Pangong dil bulah India leh China sipaite intibuai

0
627
views

Jammu & Kashmir-a Ladakh-a Pangong dil bulah nimin khan India leh China sipaite an intibuai a, India sipaite hian ramri chhunga luh tum, China sipaite an lo dan avangin buaina hi a chhuak ta nia sawi a ni a, India leh China hian an ram chhunga lutah inpuh tawn reng mah se, tharum thawhna thleng sawi tur a awm ngai mang lo a, tun hi Ladakh-a hetianga buaina a chhuah vawi khatna a ni. Panglong dil hmun thuma thena hmun hnih hi China ram ta a ni a, India ramah chuan he dil hian tlawhtu a ngah thei hle a, khualzin tam tak an kal thin a ni. Thuhretute sawi danin, India ramri chhungah hian China sipai 15 vel chu an lut hman a, sipaite’n chhuak tura an tih pawha an pawisak loh avangin lungin an invawm zui ta a ni.