Lalu Yadav chhungkaw venghimtu sipai Bihar sorkarin hnukkir

0
264
views

Bihar CM hlui Lalu Yadav-a leh a chhungte hnena venhimna pek \hin, sipai 32 chu state sorkarin nimin khan a hnuk kir. Lalu Yadav-a nupui, Rabri Devi chuan sorkar thiltih dan chu an chhungkua thah tumna niin a sawi a, State CM Nitish Kumar-a hnenah lehkha thawnin, an chhungkaw chunga thil eng emaw a thleng a nih chuan Home Ministry mawh a nih tur thu a sawi l^wk a ni. Rabri Devi pawh hi Bihar CM hlui a nih vangin venhimna pek a ni ve tho a, chanchinbu mite a kawmna-ah state sorkar leh Nitish Kumar-te nasa takin a bei a, a pasal lung-ina t^ng mek hrehawm taka siam tumah leh enkawlna \ha pe duh lo luiah te a puh a ni. Lalu Yadav-a fapa, Tejashwi Yadav pawhin Nitish Kumar-a thiltih dan chu politics thila inhuatna nia a hriat thu leh eptu pawl hruaitu a nih vanga venhimna a dawn te, a unaupa, Tej Pratap-a MLA a nih vanga venhimna pek a ni te leh a nu, Rabri Devi CM hlui a nih vanga venhimna pek a ni te chu Nitish Kumar-a’n awmze nei zawka hna a thawh theihna tur a nih chuan thlauh thlak vek pawh an inpeih reng niin a sawi a ni.