Las Vegas-a mi 58 kap hlumtu, Stephen Paddock-a ngaihzawng, Marilou Danley chuan Paddock-a chu mi thawm zawi leh nunnem niin a sawi, a pawi khawih chhan a hre lo

United States, Las Vegas-a mi 58 kap hlumtu, Stephen Paddock-a ngaihzawng, Marilou Danley chuan Paddock-a chu mi thawm zawi, nunnem leh mi dang duhsak \hin nia sawiin, hetianga a ch>t chhan hi ngaihna a hre lo takzet niin a sawi a, Police-te pawhin a pawi khawih chhan hi an hriat rih loh thu an sawi bawk. Police-te hian Paddock-a khan a thlenna hotel-a a carah ralthuam tam tak a dah tih an hmuh belh leh a, silai mu pawh 1,600 vel an hmu a, pawi a khawih hma khan pawisa a khel tih an hre tawh bawk. Marilou Danley hi FBI miten thu an zawt fiah a, Stephen Paddock-a thil tih chu rapthlak a tih thu leh, hetianga pawi khawih chungchang hi engti zawng maha a la sawi ngai loh thu te, a hnua ngaihtuah l>t leh pawhin, a thusawi leh a thiltihah pawi khawih tumna lam ni thei awm engmah a hriat loh thu a sawi a ni. Puan tawh angin, Danley hian Philippines a\angin FBI te duh dan angin Los Angeles a pan a, a hmaa dollar nuai 1,00,000, Paddock-a’n a thawn pawh in leina tur niin a sawi.