Hanks leh wilson te nupa hi kum 63 mi ve ve an ni a, Australia Queensland-ah inkhung hrangin an inenkawl mek a. Hollywood star lian zingah coronavirus a kai tih puangzar hmasa bertu a ni.
Hanks te nupa hi Gold Coast-ah Elvis Presley-a nundan tarlanna film chang turin a awm mek a ni. Hanks chuan an taksa a chak vak loh thu leh hritlangin a bawm thu a sawi a, a nupui Rita pawn khawsik a nei tih a sawi bawk. An fapa Chet Hanks chuan Instagram ah video siam in, a nu leh pa te chu an ngaihtuah awm loh a sawi a, anmahni ngaihventute chungah lawmthu a sawi a ni.
