LeT hotu, Abu Ismail kaphlum

0
482
views

Lashkar-e-Toiba hotu pakhat, Abu Ismail chu sipaiten an kap hlum. Amah hi July ni 10-a Amarnath-a sakhaw thila zinte chuanna bus, mi firfiakten an beihnaa mawhphurtu bera ngaih a ni a, khami \umah khan mi 7 an thih b^kah mi dang 20 an hliam a ni. Sipaiten an chhui zuinaah Abu Ismail-a kutke hnai tak pakhat cellphone number an hre thei a, he phone awmna hi an chhui zel hnuah niminah khan Abu Ismail-a leh a kutke hnai tak hi an pahnihin Jammu and Kashmir-a Nowgam sector-ah an kaphlum ta a ni. Ismail-a hi Pakistan rama Punjab province mi a ni a, nikuma India rama lo l<t rute zinga sorkarin thah a duh ber pawl, A++ category a mi a ni a, Kashmir chhim lama Lashkar-e-Toiba hotu, thla hmasaa sipaiten an kah hlum, Abu Dujana kha a thlak a ni. Jammu & Kashmir DGP, SP Vaid-a’n Abu Ismail leh a kutke, Abu Kasim thah an nih thu hi a puang a, sipaite sawi dan chuan, Ismail-a hnung zuitu cellphone number hi Police ten ngun taka an chhui hnuah, nimin khan zing a\angin an ch>t velna hmun hi an hre zui zel a, an pahniha an bihrukna, Nowgam-a in pakhat chu an hual ta a, sipaite ch>t dan leh, rang taka an hual dan an hriat chuan an che hman tawh lo a, sipaite hi an lo k^p ve na a, darkar chanve pawh tling lo-ah an pahnih hian kah hlum an ni a, sipaite zingah thi leh hliam an awm lo a ni. Heng mi firfiakte beitute hi state police hnuaia Special Operations Group, Rashtriya Rifles (Kumaon) sipaite leh CRPF-te an ni a, sipai hotute chuan Ismail-a hi pawi khawihna tam taka inhnamhnawih leh, sorkarin tangka note lian a tihtawp hnua mi firfiakten pawisa an tlakchham avanga bank rawk dan tur ruahmantu pawh a nih avangin, a thi ta hi hlawhtlinna lawmawm tak niin an sawi a, a hmaa a dinhmun luahtu, Dujana kha a thih hma pawhin, Kashmir nula nena an inngaihzawn avangin a hna a thawk \ha t^wk lo a, hei vang hian Lashkar-e-Toiba hotu nihna hi Pakistani ISI leh Lashkar dintu pakhat, Hafiz Saeed-a’n Ismail-a kutah hian an dah nia hriat a ni.