Lok Sabha-ah No-Confidence Motion 4 thehluh a ni ta

Lok Sabhaah sorkar rin tawk lohna motion 4 zet thehluh a ni ta a, heng zinga pahnih chu Telegu Desam Party leh YSR Congress thehluh a ni a, a dang pahnih chu Congress leh left party te thehluh a ni. TRS leh Tamil Nadu AIADMK ten lungawi lohna an lantir chhunzawm avangin Speaker Sumitra Mahajan chuan motion te hi ngaihtuah theih a ni lo tih a sawi. Parliament rorel hleih theih loha lungawi lohna lantirtu zinga mi Telangana Rashtra Samithi TRS chuan eptu pawl dangte duh dan anga sorkar rintawk lohna motion ngaihtuah anih theihna tura inkhawm tih buai chhunzawm tawh loh an rem ti a. TRS member te chuan sorkar rintawk lohna motion an putluh chu ngaihtuah a nih dawn chuan inkhawm tih buai loh an intiam bawk a, TRS member K Kavitha chuan Sorkar rin tawk lohna motion ngaihtuah duh lohah leh pumpelhna zawngah sorkar a puh a, tunah chuan parliament ah ngawi renga \huin kan ngaihpawimawh thilah te chauh thu kan sawi ve tawh dawn a ni a ti. Eptu member lam te hian sorkar rintawk lohna motion sawiho anih theihna tur hian hma an la a, amaherawhchu TRS leh AIADMK te an au bengchhen zel avangin motion hi sawiho theih a ni ngai lo a ni.