Lok Sabha inthlan lo awm tur atan PM Narendra Modi-a’n BJP party Manifesto a tlangzarh.

0
363
views

New Delhi-a an party hmunpuiah Manifesto tlangzarh inkhawm hi neih a ni a, inkhawm thupuiah “Sankalpit Bharat-Shashakti Bharat” tih chu hman a ni a, India chu ram chhung leh ram pawn beihna lakah venhim te, J&K mipuite tana dan bik paih bo te leh kum thar hmaa loneitute hlawh a leta tihpun an tum dan tlangpui ziah a ni a, PM Modi chuan he manifesto siam tur hian Rajnath Singh-a’n thla 3 vel a hman thu leh hei hi sorkar thuneihna chang chhunzawm turin manifesto a duan \um khatna a nih a rin thu a sawi a, ram tana an \hahnem ngaihna chu anmahni tiphurtu ber a nih thu te leh ram chhung mi hnufual zawkte chawinun chu an thil tum ber a nih thu te leh sorkar \ha taka kalpui chu an thuvawn a nih thute a sawi a ni. Modi chuan eiruk endik lamah an hlawhtlin thu a sawinaah tunlai thiam thil-in a puih nasatzia a sawi a, India hmar lam leh chhim lam inkara inkungkaihna \ha tak a awm theih nan thil ngaihtuah fel ngai te an sawiho tih a sawi bawk a ni.

Manifesto-ah hian BJP chuan mifirfiakte na taka beih an tum thu leh ram venghimtu sipaite chu thuneihna sang zawk an pek tur thu an ziak a, ram venhimna tur hmanrua \ha a rang lama lei a nih tur thu te, loneitute hlawh chungchang scheme chu loneitu zawng zawng hman theih-a duan a nih tur thu te leh kum 2022 hmaa ram chhung chhungkaw tin tan chenna in pek an nih tur thu leh a hma thei ang bera Ayodhya-a Ram temple sak a nih tur thu te a inziak bawk a ni.