Lok Sabha inthlan thawh 4-na-ah state 9-a bial 72-ah mipuiten vote an thlak.

0
198
views

Lok Sabha inthlanna hi Maharashtra-a bial 17, Rajasthan leh Uttar Pradesh-a bial 13 ve ve, West Bengal-a bial 8, Madhya Pradesh leh Odisha-a bial 6 ve ve, Bihar-a bial 5, Jharkhand-a bial 3 leh Jammu and Kashmir-a bial 1-ah te neih a ni a, hemi rual hian Odisha-a bial 41, Madhya Pradesh-a Chhindwara bial, Uttar Pradesh-a Nighasan bial, leh West Bengal-a Krishnaganj bial-ah te Assembly inthlanna neih a ni bawk.

West Bengal-a Asansol polling booth-ah BJP mi leh sa leh Trinamool mi leh sa te an intihbuai hnuah Union Minister, he biala MP nilai Babul Supriyo-a chuanna motor chu suasam a ni a, Chhindwara bial-a inthlan buaipuitu hmeichhe pakhat kum 50 mi, Sunanda Kotekar chu lungphu chawlin a thi bawk.

Mumbai-a bial 6-a inthlanna-ah Bollywood-a mi langsar leh lemchan thiamte vote thlak turin an intlar a, mipuite chu vote thlak \heuh turin an sawm a, PM Narendra Modi pawhin mipuite chu thawh hmasa 3 te record siam khum tura vote thlak uar turin mipuite a fuih a ni. Inthlan thawh 7-na, thawh tawp ber hi May ni 19 khian neih a ni dawn a, May ni 23-ah ram puma vote tla te chhiar a ni ang.