Lok Sabha inthlan thawh 4-na atan campaign chhunzawm zel a ni.

0
258
views

Thawh hmasa pathum-ah bial 302-ah mipuiten vote an lo thlak tawh a, inthlan thawh 4-na atan political party hotute chuan ram chhung hmun hrang hrangah campaign an kalpui a, inthlan April ni 29 khian state 9-a bial 71-ah mipuiten vote an thlak leh dawn a ni.

PM Narendra Modi chuan Bollywood lemchan thiam Akshay Kumar-a nen an inkawm zawhah Jharkhand-a Gumla leh West Bengal-a Bolpur leh Ranaghat-ah mipui hmaah thu a sawi a, BJP President Amit Shah chuan Bihar-a Munger, Begusarai leh Samastipur-ah vantlang inkhawm a huaihawt bawk a ni.

Congress President Rahul Gandhi chuan Uttar Pradesh-a Lakhimpur Kheri, Unnao leh Kanpur-ah te mipui hmaah thu a sawi a, Congress General Secretary Priyanka Gandhi chuan Uttar Pradesh khawchhak lam bialah ni 3 chhungin Fatehpur, Mahoba, Hamirpur, Jhansi, Orai, Jalaun leh Barabanki te tlawhin a campaign bawk a ni.