Heng mite hian sorkar deptt. hrang hrang leh House of Parliament luh chhuah tumin an bei a, Westminster-ah pungkhawmin khuang an vua a, banner an tar a, UK Parliament panna lei leh kawng hualin an pungkhawm bawk a ni.
London khawpuia lungawi lohna lantirtute hian banner an tarah chuan dan pangngaia hna thawh chu thihna tih banner-a ziakin khawpui hmun hrang hranga lei leh rel station-ah te an tar a, mi \henkhat chuan House of Parliament a\angin Whitehall thleng kawng an zawh a ni.
Heng lungawi lohna lantirtute zingah mi 270 vel police-in an man a, an zingah Brazil mi, lam zirtirtu Tiago Gambogi pawh a tel a ni.
Extinction Rebellion te hian sorkar chu sik leh sa inthlak danglam nasa lutuk chungchangah a rang thei ang bera hma la tur leh awmze neia ruahmanna siam turin an phut a ni.
Australia mi Activisit, Jane Morton-in AFP news agency a hrilh danin sik leh sa inthlak danglam chak lutuk ven nana sorkarin tha a thawh theih nan a theih ang angin sorkar an nawr tawh a, mihring leh nungchaten sik leh sa inthlak danglam nasa lutuk an tawrh nep theih dan tur zawnga hma a lak tur thu a puan hma chu sorkar laka hel an tum a ni.
