London City Airport hawng leh tawh

0
336
views

A bulhnai maia Thames lui-ah indopui pahnihna hunlaia mi bomb pakhat chhar vanga London City Airtport khar lailawk chu hawn leh a ni tawh a, bomb hi hmun him lamah laksawn fel tawh a ni. Bomb chhar vang hian he tumhmuna thlawhna tum tur leh thlawk chhuak tur zawng zawngte chu Thawhtanni khan cancel vek a ni a, metre 200 huam chin chu kalpawh theih loha dah a ni bawk. Bomb hi Royal Navy leh Met Police ten him takin an la sawn fel tawh tih London City Airport CEO chuan a sawi a, vawiin lam atang kha chuan thlawhna thlawk tur leh tum turte a pangngaia kalpui leh tawh a ni.