Lucknow-ah kangmei chhuak, mi 5 thi

0
372
views

Lucknow khawpuia kangmei nasa tak chhuakah mi 5 an kanghlum a, midang eng emaw zat an hliam. Thuneitute sawi dan chuan kangmei hi SSJ Hotel-a boruak tihdaihna khawla current kal sual vanga chhuak \an a ni a, he hotel \henawma hotel dang, Viraat Hotel a kang kai leh a ni. Lucknow police hotute chuan kangmei chhuakah hian mi 50 vel an chhanchhuah thu leh hliam 10 chuang damdawiina enkawl mek an awm thu an sawi a, kangmei chhuah dan hi chiang zawka an chhui mek thu leh hotel thuneitute lam fimkhur loh vang a nih chuan khauh taka hremna lek an tum thu an sawi bawk a ni. Uttar Pradesh CM Yogi Adityanath chuan thi chhungte a tawrhpui thu sawiin, cheng nuai 2 pek a tiam a, hliam-te hnenah pawh cheng sing nga \heuh pek a tiam bawk a ni.