Maharashtra Aurangabad-ah Maratha mi te’n an hnam tan bika duhsakna phut-tute zinga mi pakhat a intihhlum vangin buaina nasa tak a chhuah belh.

Buaina chhuah hnuah hian Maratha Kranti Morcha pawl hotute chuan state pum huapin bandh an huaihawt nghal a, State CM Devendra Fadnavis-a’n an laka thupha a chawi hma chuan an nawrh hi chhunzawm an tum thu pawh a sawi bawk a ni. Maratha Kranti Morcha hian Aurangabad-ah hian an hnam tan bika duhsakna, zirna kawngah leh sorkar hna chungchangah an phut vangin an lungawi lohna an lantir a, an zinga tel ve, kum 27 mi, Kakasaheb Shinde tih chu lei pakhat an zawh laiin, a zuang thla a, damdawiina hruai a nih chuan a lo thi fel tawh a ni. Maratha Kranti Morcha bakah hian Maratha hnam pawl hrang hrang pawh an lo nuar tawh \hin a, vawi tam tak state sorkar hian an dinhmun chawisan a tiam tawh thu leh, tihhlawhtlin a la nih ngai loh thu an sawi nasa hle bawk a ni.