Puan tawh ang khan January ni 20 khan Manoj Thakre hi a zing tlan lai chu Tikiyapani square-ah mi tu tih hriat loin hreipui hmangin a bei a, hnimbuk karah pawt lutin lung-in a lu-ah an deng bawk a ni.
District Superintendent of Police Yangchen Dolkar Bhuttia sawi dan chuan Thakre hian mipui lawm a hlawh avangin Tarachand Rathore leh Vijay Rathore te hian an thik a, December thla tawp khan a thawhpui Jhagardiya Panwara kaltlangin contract a rawih theih mi that \hin te biain Thakre hi that turin cheng nuai 5 an pe a ni. Tualthattute hian pawisa insemdan turah an intihbuai vangin police te’n an thiltih hi an hriat phah a, motorcycle pahnih, tangkafai cheng nuai 1 leh tualthahnan-a hman hreipui pawh an man tawh a, he tualthat tura rawih pakhat Anil Dabar-ah an man a, a inpuan hnuah Tarachand Rathore leh a fapa Vijay Rathore te hi an man zui a ni. He thila inhnamhnawih midang 3 te chu la zawn mek an ni.
