Maldives ramin Emergency sut

0
348
views

Maldives President Abdulla Yameen a’n ni 45 chhung Emergency puan tawh chu vawiin khan a sut. Emergency puan chhung hian lungawi lohna lantir leh Politics thila punkhawm reng reng khap a ni. An ram Supreme Court in eptu pawl hruaitu mi 9 te thiam loh chantirna hnawla a chhuah tir hnuah Yameen hian Emergency hi Februaryh ni 5 khan ni 15 chhung atan a puang a, hei hi a pawtsei zui leh a ni. An ram sorkar thuchhuah tarlan danin ram himna ti buai thei boruak a awm tak loh avang te, security Services te thurawn ang leh nunphung pangngai tungding leh turin emergency chu hlih a ni ta a ni. Emergency puan lai hian president hlui Maumoon Abdul Gayoom chu man a ni a, Chief Justice leh Supreme Court Judge dangte pawh sorkar paihthlak tuma puhin man an ni bawk a, heng mi te hian sorkar puhna chu thu dik lo a ni an ti thung. Amnesty International chuan Maldives sorkar hian emergency a puan hi politics thila inawpbehna ah a hmang tih a lo puang tawh a ni.