Man hmabak, Pakistan Prime Minister hlui Nawaz Sharif leh a fanu Maryam ten zanin hian Pakistan an thleng dawn

0
329
views

July ni 6 khan Nawaz Shariff hi Avenfield reference case tia sawi, London-a in man to neih thuah thiam loh chantirin kum 10 tang turin Pakistan Court chuan a ti a, a fanu Maryam pawh kum 7 tang tura tih a ni bawk. Nawaz Shariff te chhungkua hi a nupui dam lohna avangin hun rei tak London ah an khawsa tawh a, tuna Lahore pana an chhuah hma hian a nupui Kulsoom Nawaz, natna khuma mu mek an pafa-a an thlah lai chu social mediaah nasa takin a darh a, Kulsoom Nawaz hi khawl hmanga thawk tir mek a ni. Lahore an thlen ruala man tawk mai tur Nawaz Shariff hian thlawhna chhungah thuchah sawiin, hei hi a fanu hian Twitter ah a dah nghal a, hetah hian Nawaz Shariff chuan an ramin hun harsa tak a tawng mek nia sawiin, a thil tih zawng zawngte chu an ram tana ti niin a insawi a, Pakistan a inpumpekna avangin a \ul apiang tawrh a inhuam tih a sawi. Video tawp lamah Sharif hian Pakistan mipuite chu amah thlawp tura sawmin, Pakistan siam\hat kawnga a hnung zui turin a sawm a ni.