Manipur-a bandh vangin sumdawnna khaihlak, khawsak phung buai

0
358
views

Manipur-a district pahnih, Myanmar depa awm, Chandel leh Tengnoupal district-a Naga Chiefs Association leh Kuki Chiefs Association \angkawpin Thawh\anni zan zanlai a\anga darkar 48 awh bandh an huaihawt avangin ramria insumdawn tawnna a khaihlak bakah, khawsak phung a buai hle a, district pahnih thuneitute sawi danin, bandh avang hian sorkar pisa, zirna in, dawr leh sumdawnna hmunpui zawng zawng khar a ni a, Manipur leh Myanmar chhuntu lamlianah lirthei tlan khap a ni bawk. Tengnoupal SP, S Ibomcha-a chuan ni hnih liam ta chhung khan pawi khawihna a thleng lo niin a sawi a, lirthei tlan khap a nih vangin khualzin leh sumdawng engemaw zat chu lamlianah an tangkhang nia hriat a ni. NCA leh KCA chuan nikum leh kumina ni za inhlawhna, Mahatma Gandhi National Rural Employment Guarantee Scheme hnuaia thawkte hlawh pek phutin nawrh hi an huaihawt a, Naga leh Kuki-te chuan Moreh, Chandel, Tengnoupal, Machi leh Chakpikarong-a lamlianah motor ke hlui leh thingtum an hal a, an thil ngiat hi a rang lama tihhlawhtlin a nih loh chuan nawrh chhunzawm an tum thu an sawi. Sorkar thuneitute chuan ramria insumdawn tawnna khaihlak a avang hian state-in cheng vaibelchhe tam tak a hloh niin an sawi a ni.