Manipur-a India leh Myanmar inrina-ah dan lo-a ram chhunga lo luh tumte dang turin ven himna khauh zawk ruahman a ni a, km 300 vela thui, ramri-ah state sorkar-in inralring tura hriattirna, red alert a chhuah. Ramri hrulah hian Assam Rifles sipai leh police dah belh an nih thu leh Myanmar rama Rakhine a\anga raltlan lo luh tumte dang tura hriattir an nih thu, dist. SP, Ibomcha Singh chuan a sawi a, ramri hrulah hian insumdawn tawnna awlsam zawk nan ni tin tlai dar li thleng Visa tel loin ram pahnih mite hi an inkalpawh theih avangin an fimkhur hle tih a sawi b^kah, darkar 72 chhungin dan lo-a ramri kan, mi 46 an man tawh thu leh, an zingah hian Rohingya mi an la tel loh thu a sawi bawk. Manipur CM, N Biren Singh chuan Union Home Ministry-in Rohingya mite chu ram ven himna kawngah fimkhurna tur nia a lo puan tawh avangin an state chhungah Rohingya mi an luh chuan an man zel tur thu a sawi. Puan tawh angin sorkar laipuiin ram chhung hmun hrang hranga Rohingya muslim raltlan, mi 40,000 vel hnawhchhuah a tum avangin Thawh\anni khan UN Human Rights hotupa, Zeid Ra’ad al-Hussein chuan na takin India a lo sawisel tawh a, ram hruaitute erawh chuan India chu dan lo-a pem lutte avanga harsatna tawk fo a nih thu leh, Rohingya mite chu dan loa ram chhung lo lut an nih thu te sawiin, dan lekkawh avanga khawngaihna nei lo anga inpuh chu thil awm lo tak a nih thu an sawi a ni.
