Manipur mi leh sa, state danga tangkhang haw te zingah Covid-19 kai an pung zel a, AIR Imphal chuan tun dinhmunah case 25 a awm tawh a, an zinga mi 23 te chu state dang a\anga haw an ni tih a sawi.

0
165
views

State dang a\anga Manipur-a haw thleng tawh hi mi sing chuang an ni tawh a, sorkarin tangkhangte haw-na tur rel a buatsaiha haw te bakah mimal lirtheia haw te pawh an awm a ni.

Imphal JNIMS hospital director, Prof. TH. Bhimo chuan nimin khan mi 16 hri kai thar hmuh belh an ni tih sawiin, chung zingah chuan naute thla la tling lo pawh a tel a, mi 14 te chu Chennai a\anga haw an ni tih a sawi.

Manipur-ah hian JNIMS leh RIMS-ah Covid-19 kai leh kai loh test na tur laboratory a awm a, nimina sample 133 an test chu a negative vek a, sample 71 nghah mek a ni.

Tripura-ah chuan sample 850 chu a negative vek tih Chief Minister, Biplab Kumdar Deb-a’n a sawi a, tun dinhmunah Tripura-ah hian hri kai mi 173 an awm a, mi 133 enkawl dam tawhin mi 40 enkawl mek an ni a, thihpui an la awm lo a ni.