Mark Zuckerberg-a ngaihdam dilna-in US ram hruaitute rilru a hneh lo

0
290
views

Mi mal data lakhawma midang hnena Facebook-in a hlan chhawn chungchang thubuai kal zelah, a dintupa, Mark Zuckerberg-a ngaihdam dilna chuan US ram hruaitute rilru a hneh lo hle nia hriat a ni. Puan tawh angin Zuckerberg chuan a company-in thil a tihsual ngei thu leh pawi a tih thute a sawi tawh a, facebook hmangtute chanchin him taka vawng turin hma an lak nghal tur thu te pawh a sawi tawh a, mahse US Senate chuan Washington khawpuiah mimal taka Zuckerberg inlan tur leh a company thil tih dante sawi fiah an phut tho a ni. He buaina vang hian Facebook chuan sum a hloh chhunzawm zel a, nimin lamah khan an company hlutna za zelah 2.7 in a tla leh a, tun kar chhungin US dollar tld. 50 chuang a hloh tawh nia chhut a ni.