Meghalaya-a sorkar laipui hnuaia hmasawnna hnathawh, cheng vbc 7,000 hu puitlin nan cheng vbc 2,000 dawn sen belh

0
823
views

Meghalaya-a sorkar laipui hnuaia hmasawnna hnathawh paruk, cheng vbc 7,000 hu chu hun eng emaw chen a khaihlak avang leh, bawhzui loha a awm reng avangin tihpuitlin a nih theih nan cheng vbc 2,000 dawn lai sen a ngaih phah tih tarlan a ni a, Union Statistics and Programme Implementation Minister, DV Sadananda Gowda-a’n Ningani-a he state-a sorkar laipui project hmasawn dan a endik hnuah, nimin khan sorkar hotu pakhat chuan hemi chungchang hi sawi fiahin, heng project-te hi a tirah kha chuan cheng vbc 7,108 vela zawh fel theih tura ngaih ni mah se, tunah hi chuan cheng vbc 9,025 vel sen a ngai tawh dawn nia sawiin, cheng vbc 1,916 vel sen belh a ngai niin a sawi. Shillong khawpuia rel kawng siamna tur project senso atan cheng vbc 6,000 dah a ni a, amaherawhchu Khasi zirlai pawlte’n kumin kum tir lamah khan rel kawng siamna tur hmanrua leh bungraw thenkhat an tihchhiat avangin project hi a khaihlak ta nia sawi a ni.