Meghalaya sorkar chuan tunhnaia tualchhung buaina chhuak tluantling taka chinfel dan ngaihtuahtu tur Panel a din

0
334
views

Meghalaya sorkar chuan tunhnaia tualchhung buaina chhuak tluantling taka chinfel dan ngaihtuahtu tur Panel a din. Puan tawh angin kar kalta ningani khan Shillong Punjabi Lane-ah a ram mi, Khasi leh helai hmuna cheng Punjabi te inkarah buaina nasa tak a chhuak a, vawiin thleng khan mobile internet leh SMS-te tihtawp a la nih bakah, curfew puan chhunzawm zel a la ni a, Central Armed Police Force company 15 zet hmun hrang hranga tirh chhuah an nih bakah company dang 10 chah luh belh mek an ni tih East Khasi Hills DC, PS Dkhar chuan a sawi a ni. State sorkar-in panel din tur hian party zawng zawng kokhawmin meeting nimin lamah khan a ko a, an meeting lai hian Secretariat-ah mipui lungawilo an pungkhawm hnem hman hle a, a chhungah pawh an lut hman hial a, State CM Conrad Sangma chuan hengmi-te hi pawikhawih tum an nih loh thu leh, a hnena thu an thlen duh vanga inhawrkhawm an nih thu a sawi bawk a ni.