Mexico Election thuneituten President Andres Manuel Lopez-a party chu lirnghing tuarte tanpuina tura sum thawh khawm hmang dik loa puhin dollar maktaduai 10 chawi turin a ti

0
234
views

July ni 1-a Mexico inthlanpuia hneh taka thlantlin Lopez Obrador hian September ni 19-a lirnghing tuartute \anpuina tur sum thawhkhawm anih tur thu hi a puang a, kha lirnghingah khan mi 300 chuangin nun an chan a, \anpuina tura mipui sum thawh khawm chu obrador-a party hian la chhuakin a sem chhuak a ni. Election thuneitute chuan hetianga mipui sum thawhkhawm Political Party in la chhuaka sem hi dan kalh a ni a ti a, pawisa engzat chiah nge tlingkhawm tih leh engzatin nge \anpui ngaite hnen thleng tih pawh a hriat loh a, lo hriat ta tehreng pawh nise, Political Party in mipui hnena sum sem chu dan kalh a ni a ti. Lopez Obrador chuan sum hi langtlang taka lakkhawm leh sem chhuah a ni a ti ve thung a, Election thuneitute rorel dan chu khin let a tum thu a sawi ve nghal bawk.