Misual hmingthang, Charles Manson thi

0
819
views

America rama misual hmingthang leh suahsualna lam thil chhinchhiahna atana hman hial \hin, kum 1969 chhova tual an thah \hin avang lar, Manson Family pawl hotu lu, Charles Manson chu nimin khan kum 83 mi niin a thi. Manson hi a hriselna a \hat loh avangin kar kal ta khan California-a Bakersfield damdawi inah dah a ni a, doctor-te chuan tar thi niin an sawi. Kum 1969 khan Manson-a hnungzuitute hian mi pasarih that a, heng zingah hian Hollywood lama lemchan thiam lar, Sharon Tate pawh a tel a, Manson Family hovin mi an thah dan hi a rapthlak em avangin khatih hun lai kha chuan America rama thil thleng sawi hlawh ber zinga mi a ni a, an tualthahnaah hian Manson-a hi mimal takin a inrawlh tih finfiah ni lo mah se, a hnungzuitute tih a nih avangin amah hi thiam loh chantir a ni a, kum 1971 khan thi tura tih a lo ni tawh a ni. Manson-a hremna hi hlen chhuah a nih hma lawkin California state-ah thi tura inhrem khap a nih avangin dam chhung lung in tantir a ni ta zawk a, lung ina kum 40 chuang a tan chhung khan \um 12 vel chhuah lailawk a dil a, amaherawhchu thuneitute’n Manson hian insiam \hat tumna a nei lo nia an hriat vangin a dilna hi an hnawl zel a ni.