MBSE hnuaia Examination Centre hrang hrangah ruahman sa angin HSSLC Exam hi kaltlangpui tur a ni tih MBSE hian thuchhuah a siam leh a. He hriattirna hi hemi atana mawhphurhna nei zawng zawng zawm turin a ti a ni.
He hriattirna chungchanga Zonet zawhna chhangin School Education Minister, Pu Lalchhandama Ralte chuan, HSSLC Exam kaltlangpui tumna hi Thawh\annia Council of Ministers \hukhawmin a lo rel tawh anih bakah Inkharkhip chungchanga Chief Minister hova inrawnkhawmna-a rel a ni a ti a. He ruahmanna kalpui tur chungchangah hian Sorkar laipui nena inbiakna emaw inrawnna emaw a awm loh thu Pu Chhantea hian a sawi.
State Level Task Force Committee Chairman, Chief Secretary, Pu Lalnunmawia Chuaungo chuan, he ruahmanna hi zirlaite leh an nu leh pate nen sawi ho a ni ang a, chumi dung zui chuan hmalak a ni ang tih Zonet zawhna chhangin a sawi.
MBSE hian Thawhlehni khan thupek chhuahin HSSLC Exam hmabak la awmte chu tun thla ni 22 a\anga ni 24 chhunga Exam buatsaih turin a ti a. Hemi chungchangah hian Siaha Bawrhsap, Pu Bhupesh Chaudhary chuan exam buatsaih tum hi Nilaini-a Sorkar laipui Home Affairs Ministry-in inkharkhipna thupek a chhuah nen a inkalh tih a sawi a, Exam buatsaih tur hian phalna pek theih a nih loh thu MBSE Controller of Examinations chu a hrilh thung a ni.
