NSUI hian COVID 19 vanga May ni 3 thleng ram pumah inkhartkhip chhunzawm tur a nih thu Prime Minister-in a puan hnuah Ministry of Home Affairs-in Inkharkhip kalpui dan tur order a tichhuak a, chumi zulzui chuan Mizoram State Level Task Force pawhin order a ti chhuak ve a ni, an ti a. MHA leh State Level Task Force order-in a tarlan anga mi 5 aia tam punkhawm khap chhunzawm a nih lai leh sakhaw lam thil leh zirna kaihhnawih thila punkhawmte khap chhunzawm a la nih vek laia zirlaite khung khawma exam buatsaih tum a ni hi NSUI Mizoram chuan \ha lo an tih thu leh zirlai tam tak an khaw lama an haw tawh avanga exam thei leh thei lo a an awm tur chu a pawi hle a ni, an ti. NSUI Mizoram hian MBSE hotute hnena Siaha Deputy Commissioner-in Siaha District huam chhunga Exam kalpui a theih ve dawn loh thu ziak a thlen chu an ngaih thu tak thu leh sorkar chu he ruahmanna ennawn thuai tura an duh thu an sawi.
