Mohammed Azmal Haque-a hnena Foreigners’ Tribunal-in India mi a ni ngei tih finfiah tura hriattirna a pek chungchangah thil tihsual a awm: Assam Police

0
424
views

Sipaia kum 30 \an hnua pension, Mohammed Azmal Haque-a hnena Foreigners’ Tribunal-in India mi a ni ngei tih finfiah tura hriattirna a pek chungchangah thil tihsual a awm niin Assam police-te chuan an sawi a, hriattirna lehkha chu mi dang tana tih, a ni lo zawkin a dawn palh niin an sawi. Nimin khan Assam DGP, Mukesh Sahay-a chuan hemi chungchang an chhui chianna-ah sipai bang, Haque-a hming leh Tribunal-in ram dang mi nia a rinhlelh, Kalahikas khaw mi, Mohammed Azmal Haque-a hming chu a inan avangin a ni lo zawkin hriattirna lehkha hi a dawng palh niin a sawi. Puan tawh angin, Mohammed Azmal Haque-a hi Junior Commissioned Officer-a a pension hnu leh, Assam-a a inbenbel hnuah thla hmasa khan India mi a ni ngei tih finfiah tura hriattirna p>k a ni a, kum 1971 hnu lama Bangladesh a\anga dan lova India rama lo l<t a ni lo tih finfiah turin Kamrup district-a Foreigners’ Tribunal-in a hriattir a, Haque-a chuan sipaia a \an chhungin vawi 6 a kaisang hman tih te, kum 1966-a Kamrup dist. Electoral Roll-ah pawh a pa hming a chuang tawh tih te leh, a nu hming phei chu kum 1951 electoral roll-ah a tel tawh tih a sawi a ni. He thil avang hian Assam police-te chuan social media lamah dem an hlawh hle a ni.