Mount Everest san zawng chungchangah rinhlelhna a awm

0
807
views

Khawvela tlang sang ber, Mount Everest san zawng chungchangah rinhlelhna a awm avang leh, kum hnih kal taa lirnghing rapthlak tak avang khan a hniam ta hret nia sawite a awm avangin Nepal ramin teh \hat a tum a, he tlang leh khawvela tlang sang zual 14 zinga a zatve awmna, Nepal hian Mount Everest hi a la teh ngai lova, Survey of India-in kum 1954-a a tehnaa metre 8,848 a ni tih chu a pawm ve mai a ni. National Geographic Society leh Boston-a Museum of Science chuan kum 1999 khan satellite thiamna hmangin Mount Everest hi an teh a, metre 8,850 niin an sawi a, kum 2005 khan China tlang lawn mi leh mi thiamte chuan metre 8,844.43 niin an lo sawi tawh bawk a, Nepal sorkara Survey Department Director General, Ganesh Prasad Bhatta chuan nakkumah he inhnialna ching fel tur hian mi thiamte tirh an nih tur thu sawiin, ram dang mi thiamte nen he tlang tehna tur hmanraw \ha ber turte ngaihtuah mek niin a sawi bawk.