Mugabe paihthlakna tur buaipui tan

0
735
views

Zimbabwe President, Robert Mugabe-a paih thlakna tur chu vawiin khan buaipui \an a ni a, Cabinet \hutkhawm a kohah pawh Minister-te an tel duh lo a ni. Zimbabwe-a rorel lai party, ZANU-PF hotu, Lovemore Matuke chuan Cabinet \hutkhawm kohah hian Minister tumah an kal loh thu leh, Mugabe paih thlak dan tur rel turin an party pisa-ah an kal khawm zawk tih a sawi a, Mugabe-a’n a ban tak, Vice President hlui, Emmerson Mnangagwa chuanm mipuiten sorkar thlak an duh tih a lang chiang hle nia a hriat thu sawiin, mipui duh dan anga bang mai turin Mugabe hi a ph<t a ni. Puan tawh angin, Mnangawa hi South Africa ramah a tlanchhe mek a, a sa himna tiam a nih phawt loh chuan an ramah hian a kir mai ngam loh thu leh, politics thil avanga thih mai a hlauh thute a lo sawi tawh a ni. ZANU-PF hotute chuan Mugabe an paih thlak hnuah, thla thar hian party inthlan buatsaih tum a nih thu an sawi a, an party a\anga Mugabe leh a nupui, Grace-i hnawhchhuah a, Mnangagwa hi hruaitu-a hlan kai an tum thu an sawi a ni.