Mumbai-a mipui innek buaina-ah mi 22 thi

0
330
views

Mumbai-a Elphinstone rel chawlh hmunah mipui an innek buai avangin mi 22 an thi a, mi dang 30 an hliam. He thil thlen hun hi chawhma dar 10:30 vel kha a ni a, rel chawlh hmunah hian pisa kai tur leh hnathawhna hmun pan tur mi tam tak chu ruah sur nasat avangin an inhnawh nasa hle a, rel a lo thlena luh an inchuh nasat avangin, Parel leh Ephinstone chawlh hmun kal pawhna, rel kawng chunga lei, over-bridge-a awmte chu an innek buai ta a, ruah sur nala tawlh thlu an awm nual avangin, mipuite hi an innek buai ta chiam a ni. A hmuna awmte sawi danin, ruah a sur avangin chawlh hmunah hian ni dang aiin mi an tam a, a ruala rel pali a thlen avangin mipuite hi an innek nasa lehzual niin an sawi a, mi mangang, lei a\anga a hnuaia zuang thlate pawh an awm niin an sawi. Buai zualpui a reh deuh hnu-ah hian insaseng thei lo leh thidang mi eng emaw zat chu chhanchhuah tuma beih nghal a ni a, chawlhhmun khawi laiah emaw electric kal sual puak ri a awm avangin mipuite hi an chi-ai niin mi \henkhat chuan an sawi bawk a, police-ten an chhui chiang mek a ni. Tualchhung mite leh rel-a chuang \hinte chuan rel kawng chunga lei hi a hlui tawh bakah a zim em avangin a hlauhawm sa hle tiin an sawi a, lei dang dawh belh tur leh chawlhhmun tawt lutuk tihziaawm dan ngaihtuah tur hian thuneitute pawh an lo ngen fo tawh tih an sawi bawk a ni.

Mumbai innek buainaa thi zingah hian naupang leh hmeichhiate pawh an tel a, Maharashtra CM chuan thi chhungte hi zangnadawmna, cheng nuai 5 pek \heuh p>k leh, hliamte pawh an inenkawlna senso tumsak a tiam a, state sorkar leh Railways Ministry-in he thil thlen dan hi an chhui chian tur thu leh, a mawhphurtu an awm chuan na taka hrem an nih tur thu an sawi. Eptu pawl hrang hrangte pawhin he thil thleng hi pawi an tih thu an sawi a, Congress hruaitu, Sonia Gandhi chuan he thil thleng hi pawi a tih thu a sawi b^kah, sorkar thuneitute fimkhur sela chuan pumpelh theih nia a hriat thu a sawi a, an party thupuangtu, Randeep Surjewala pawhin state sorkar a dem bakah, rel awm sa pawh enkawl \ha nei lo chungin sorkar laipuiin rel chak chi, bullet train tlantir a la tum nia sawiin, thil àwm lo tak niin a sawi.