Mumbai Matunga-a Dayanand Balak Balika Vidyalaya-ah chuan kar kalta Zirtawpni khan BJP huaihawtin CAA thlawpna hun hi buatsaih a lo ni tawh a ni.
CAA thlawp tura zirlaite BJP-in an hmang nia puhna leh zawhna hrang hrangte NDTV chuan BJP hruaitu, Kirit Somaiya a zawt a, CAA chungchang zawhna hrang hrang zirlaite chhan tura siam chungchang te, BJP hruaitute an inrawlh tih te, CAA dodaltute chu ram phatsantu an ni tih zirlai an hrilh tih te, zirna ina an hmalakna chu thil dik a ni em tih te, naupang te te CAA chungchang hrilh leh sorkar hnena lawmthu sawina lehkhaa ziah tir te chu thil tih awm a ni em tih te zawh a ni a, Kirit Somaiya chuan zawhna zawng zawng a chhan vek tawh thu a sawi a, zawhna zawttute chuan thil nung lo zawhna zawh ang a ni an ti.
Hetihlai hian education deptt. chuan CAA thlawp tura zirlaite chunga hmalakna chu sawifiah turin zirna in te chu a hriattir a ni. Zirna in pakhata thuneitute chuan BJP programme a nih thu sawiin, zirlai \henkhat chuan CAA chungchang chiang zawka an hriat chian duh vangin zawhna te an zawt a, chu chu a pawina em em an hriat loh vangin an khap lem lo niin a sawi a, thildangah erawh an school chu a inrawlh lo tih an sawi thung.
