Tuilian hian thlawhna \umhmun leh rel kawngte a chim vangin service tihtawp lailawk a ni a, hetihlai hian khawchin thlirlawkna-in ruah tam tak sur zui tura a tarlan vangin sorkarin chawlh a puang a, loh theih loh thilah lo chuan pawn chhuak lo turin mipuite hriattir an ni. Sorkar pisa zawng zawngte, school leh college te khar vek a ni a, mimal sumdawnna hmun te pawh khar tur leh an hnathawkte chawlhtir vek tura ngen an ni bawk.
Hetihlai hian nizana ruah tam tham tak sur vang khan Mumbai |umhmuna \um thlawhna SpiceJet chu runway-ah chesualin a tang a, he runway hi khar rih a ni a, runway tenau zawk erawh hman theih nimahse, ruah a sur nasat avangin he \umhmuna \um tur thlawhna 54 chu Ahmedabad, Goa leh Bengaluru-ah te \um tir an ni a, thlawhna service 52 chu cancel a ni bawk.
Ramchhunga Airlines hrang hrangten mipuite him tlan zawk nan thlawhna service an cancel nual a, thlawhna tam tak thlawh chhuah hun leh \um hun tih khawtlai a ni bawk a, Air Vistara chuan Mumbai-a thlawk lut tur leh chhuak tur zawng zawng a cancel vek rih tih a puang a ni.
Maharashtra Chief Minister, Devendra Fadnavis chuan thil awmdan enfiahin a vil reng a, Indian Navy-in tuiliana tangkhangte buaipui turin chhanchhuah hnathawktu pawl tam tak a tir chhuak bawk a ni.
Hetihlai hian Suburban rel pathum tuilian vanga kawng laka tangkhanga chuangte chu nizan zanlai khan Railway Protection Force te hmalakna-in hmun himah thiar chhuah an ni tawh a ni.
