Mumbai-ah ruah nasa vangin mi 4 an thi tawh

0
654
views

Mumbai-ah ruah nasa vangin khawsakphung a buai hle a, ruah sur leh a kaihhnawih chhiatna thlengah mi 4 an thi tawh. Thi zingah hian kum 15 mi khuarkhurum-a tla leh kum 13 mi, bang chimin a delh hlum an tel a, midang pahnih hi chu thingkung tlu-in a delh vanga thi an ni. Ruah sur vang hian kawtthler \henkhatah tuihawk a lian nasa hle a, hei hian lirthei kal vel pawh a tibahlah nasa hle tih thuneitute chuan an sawi a ni. Met Department chuan darkar 24 chhungin Mumbai-ah hian ruah 231.4 mm a sur tih an sawi a, ruah hi a la sur belh dawn avangin, mipuite pawh fimkhur turin an ti bawk a ni.

Mumbai-a ruah sur nasa vang hian he khawpui chhimlamah kawngpui a chim bawk a, a bula motor park-naa awm, motor 20 vel a chim pui a ni. Thuneitute chuan he thil thlengah hian thi emaw hliam an awm lo tih an sawi a, venthawn thil thu-ah a bul hnaia cheng-te an inthiar chhuah tir tih an sawi bawk.