Mumbai khawpuiah nasa taka tui a len avangin rel service tam tak tih khawtlai a ni

0
230
views

Mumbai khawpuiah nasa taka tui a len avangin rel service tam tak tih khawtlai a ni a, London leh Mumbai inkara thlawk Jet Airways thlawhna pawh Ahmedabad ah \um tir a ni. Dadar, Parel, Cuff Parade, Bandra, Borivali leh Andheri ah te tui hi a lian a, disaster management lam hotute chuan darkar 24 lo awm leh tur chhungin ruah hi a la sur belh dawn niin an sawi. Mumbra Thane rel kawnga tlan rel service te chu a chhuah hun tih khawtlai a ni a. Brihanmumbai Municipal Corporation chuan inralring reng an awm thu leh officer \henkhat chawlh la mekte pawh an koh kir nghal thu an sawi. Fur ruahtui hian Goa leh Konkan te pawh a thleng ta a, hapta tawp lamah Gujarat, Madhya Pradesh, West Bengal, Chhattisgarh leh Odisha te pawhin fur ruah hi an dawn tawh rin a ni. Mumbai bikah hian lawng sipaite pawh Colaba, Worli, Ghatkopar, Trombay leh Malad ah te chhanchhuah hna thawh a \ul thulha che chhuak thei tura dah an ni a, tui a len zel thulha tawm himna turin zirna in te pawh hawng sa vek tura hriattirna tih chhuah a ni.