Muslim te sakhaw hun pawimawh Eid puala inkahhai puan anih hnuah Afghanistan sipai te leh Taliban helpawl ten an sakhaw hun pawimawh hi hlim takin an hmang ho

0
386
views

Muslim te sakhaw hun pawimawh Eid puala inkahhai puan anih hnuah Afghanistan sipai te leh Taliban helpawl ten an sakhaw hun pawimawh hi hlim takin an hmang ho.

Ramadan thla thianghlim pualin inkahhai hi puan a ni a, Afghanistan sipai te leh Taliban hel pawl mi te Eid puala induhsakna an inhlan tawn lai leh an inchibai lai te, an inkuah lai te leh selfie-a thla an la ho lai te chu social media hrang hrangah hmuh tur a awm a ni. Afghanistan in Eid puala inkahhai a puan hnu, Zirtawpni kalta khan Taliban hel pawlte hian ni 3 chhung atan inkahhai hi an puang a, ramdang sipaite erawh inkahhai an puan hian a huam ve lo tih an sawi nghal thung. Afghanistan sorkarin inkahhai a puan chu Nilaini thleng khi a la nung dawn a ni. Afghanistan Deputy Interior Minister Masood Azizi chuan inkahhai an puan zawm a nih dan hi uluk taka vil reng a ni a ti a, tharum thawha chetna engmah a thleng lo tih a sawi. Zabul-a zirlai pakhat Qais Liwal chuan a hriat theih chinah Eid muanawm ber leh hlimawm ber a nih thu a sawi.