Myanmar a\angin PM Narendra Modi lo haw

0
550
views

Ram pahnih tlawha zin, PM, Narendra Modi chu vawiin khan Myanmar atangin a lo haw a, Myanmar a tlawh hma hian China rama Xiamen khawpuiah khawvel ram 5 telna, BRICS khawmpui-ah a tel a, China President Xi Jinping leh Russia President Vladimir Putin nen pawh an inkawm a ni. Nimin khan Pu Modi hian Myanmar State Councillor, Aung San Suu Kyi a kawm bawk a, ram pahnih thawh dunna tur thil eng emaw zat an sawi dun tih External Affaris Ministry thupuangtu, Raveesh Kumar chuan a sawi. Pu Modi hian Myanmar hi kum 2014 khan ASEAN khawmpui hmangin a lo tlawh tawh bawk a, tun hi ram pahnih inkar sawi tura a tlawh tum khatna a ni a, a cham chhung hian tun hnaia sawi hlawh tak, Myanmar-a Rohingya Muslim mite chungchang pawh an sawi a, Pi Suu Kyi chuan Rohingya mite chungchang hi mi firfiak pawlte’n dik lo taka phuahin, an theh darh niin a lo sawi tawh bawk a ni. Pu Modi leh Pi Suu Kyi hian ram pahnih inkara thawh dunna tur thuthlung 11 lai an siam belh a, heng zingah hian ram pahnihte inkara tuipui leh vaukama venhimna nasa zawk siam dan tur leh, hriselna leh computer lam thiamna chungchangte leh, Myanmar-a mipui rorelna, nghet zawka din a nih theih dan turte pawh a tel a ni.