Myanmar police-te’n Rakhine state-a buaina siamte vau nan silai hmet puak

0
346
views

Myanmar police-te chuan Rakhine state-a buaina siam, petrol bomb hmanga anmahni vawmtu leh ICRC lawng dan tumtute vau nan silai an hmet puak a, Rakhine state-ah hian boruak a la sosang hle nia hriat a ni. He hmuna la awm, raltlan ve thei lote dinhmun hi a chhe hle nia hriat a ni a, sipai leh Rohingya mite hi an inep nasat avang leh, inhuatna a sosan avangin tharum thawhna nasa tak chhuak thei reng a la nia hriat a ni. Rakhine mite hian ram dangte chu an dinhmun chhiatzia hre lo leh, \anpui duh lovah an ngai a, nizan tlai tawh lamah pawh khan mi 300 vel chu Sittwe-ah an pung khawm a, hetah hian chhawmdawlna thil chi hrang hrang – thawmhnaw, thosilen leh thil dang phur, Red Cross lawng 50 vel chu Muangdaw lui zawh turin an awm a, pung khawmte hian lawnga thil phurhte hi insem nghal tumin, lawng hi an tibuai a ni. Buaina an siam nasat hmain Police-ten he hmun hi an thleng a, Buddhist puithiamten mipui thinrim chu beng daih an tum bawk a, mahse police te hi petrol bomb hmanga an lo vawm avangin, heng mite vau daih nan hian Police te chuan silai an hmet puak a, mi 8 an man bawk nia hriat a ni.