MHA chuan heng mite \anpuina tura tih tur pawimawh leh thil \ul zawng zawngte chu Assam sorkarin a ngaihtuahsak dawn tih sawiin, District Legal Services Authorities kaltlangin dan lam kaihhnawihah \anpuina a pe dawn a, NRC list-a tel ve lo te chu hren an ni dawn rih lo a, NRC-a an tel loh chhan chu sorkar \anpuiin chhuichian a ni bawk ang. Ministry of Home Affairs thupuangtu chuan NRC-a hming lang ve lo te chungchang ngaihtuahtu tur Foreigner Tribunal pawh hawn belh a ni dawn tih a sawi bawk a, tuna 100 hawn tawh bakah a dang 200 hawn belh a ni dawn a, lungawi lohna neite chu court ah pawh an kal thei a ni a ti.
NRC hi Bangladesh a\anga dan lova Assam-a lut te hriat hran theihna tura buatsaih a ni a, India khua leh tui dik tak, Assam-a chengte hming chuan tir a ni a, NRC list thar ber tarchhuah takah mi nuai 311 chuang hming chuangin nuai 19 chuang te hming a chuang ve lo a ni.
