National Sample Survey Office-in kum 2017-2018 kha kum 45 chhunga ram chhunga hna nei lo tam ber \um niin a sawi. He thu hi National Sample Survey report-ah tarlan a ni a, hemi kum hi ram chhunga hna nei lo tam ber kum nia tarlan hi sorkar chuan a pawm lova, Survey Report chu kim changtawk lo nia sawiin a thara survey leh a ni dawn niin a sawi a ni.

0
392
views

Prime Minister Economic Advisor Bibek Debroy chuan survey neih nawn leh hunah chuan hna nei thar tam tak an awm tih tarlan a ni zawk dawn niin a sawi a, Pu Modi sorkarin sorkar chhunga hna thar a siam theih hi a tam lova, hna tam zawk hi sorkar pawnlamah siam a ni zawk tih sawiin, hnathawh tur thar siama mahni eizawnna ngaihtuah lam a kawk zawk niin a sawi a, India hian kum 2011-2012 hnu lamah hna thar siam zat chhiarna data mumal a neih loh thu a sawi a, hna tam aiin hna \ha siam a pawimawh thu a sawi a ni.

Hei hi PM Narendra Modi-a’n tangka note lian a tih thih hnua ram chhunga hnathawh tur siam dan chungchanga survey neih hmasak ber a ni a, sorkar hian an puanchhuah loh avangin National Statistical Commission-a chairman leh a hnathawk pakhat chuan banna an thehlut a ni.