Naupang kum 12 hnuai lam pawngsualtu tihhlum theihna tura dan dinglai siamthatna tur Bill, Parliament-a putluh turin peih fel a ni

0
303
views

Law Minister, Ravi Shankar Prasad chuan hemi chungchang hi Union Cabinet-in a ngaihtuah tawh thu leh, Parliament-a put luh turin Home Ministry lam pawhin a peih fel tawh thu a sawi a, he Bill hi pawm a nih chuan Criminal Law (Amendment) Ordinance lo hman tawh chu dan puitlinga hlankai a ni dawn a ni. He dan hnuaiah hian naupang kum 12 hnuailam pawngsualtute chu dan anga tihhlum theih an ni tawh dawn a, kum 16 chin hnuailam pawngsualtute chu kum 20 lungin tan tir theih an ni ang a, damchhunga tang turin hremna pawh pek belh theih an ni ang a, mi pawngsual hrim hrim pawh kum 10 lung-in tan tir theih an ni tawh ang, dan dinglai ang chuan mi pawngsuala thiam loh changte chu kum 7 lung-in tang turin an hrem \hin a ni.