NCB-in Delhi-ah cocaine cheng vbc. 40 hu man

0
752
views

Narcotics Control Bureau-in New Delhi-ah ruihhlo, cocaine, cheng vbc. 40 hu leh a neitu, Africa mi pahnih an man. NCB hotute sawi danin, nimin khan Delhi tumhmun, Indira Gandhi International Airport-ah Tanzania hmeichhe pakhat, Beatrice K Ndyetabula-i hnen atangin cocaine phut, kg 4 vela rit an man a, hemi hnu hian a thurualpui nia hriat, Nigeria mi, Augustin-a chu an man leh a ni. Beatrice-i hian nimin tuk khan Kenya ram atangin Mumbai a thleng a, cocaine hi Augustine-a pe turin Delhi lamah a thlawk leh nghal niin NCB chuan an sawi a, NCB Zonal Director, Madho Singh-a chuan an pahnih hian Narcotic Drugs and Psychotropic Substances Act hmanga man an nih thu a sawi a ni.