New Delhi-ah bike-a chuang mi pahnihin school bus atangin naupang pakhat ru bo

0
536
views

New Delhi-ah tukin khan bike-a chuang mi pahnihin school bus a\angin naupang, pawl 1 zirlai an ru bo. Republic Day lo thleng tur leh ASEAN khawmpui avanga Delhi khawpuia ven himna ngawrh lehzual a nih laia hetiang thil a thleng hian sawi a hlawh hle a, a hmuna awmte sawi dan chuan zing dar 8 vel khan bike-a chuangte hian bus hi tihdin an tum a, a din duh loh avangin, a khalhtu lam hawiin silai an hmet puak a, a ke-ah an kah fuh avangin a ding ta a, naupang pakhat hruai luiin, an tlanchhe zui ta a ni. Police-te chuan pawi khawihtute hi an zawn mek thu leh, naupang an ruk bo tlan chhuahna tur sum an pek loh tur thu an sawi nghal a, tun thleng hi chuan naupang chhungte hi misualte hian an la biak pawh loh thu leh, an chhungkaw hre chiangtu emaw, he naupang unaunu an hruai tel ve loh chhante nen an chhui chian tur thu an sawi a ni.