NIA hotu thar atan Yogesh Chander Modi lakluh a ni

0
496
views

National Investigation Agency hotu atan vawiin han IPS Officer hlun, Yogesh Chander Modi chu lakluh a ni a, vawiin vek khan a hna thar hi a zawm nghal a ni. YC Modi hi kum 1984 batch IPS officer a ni a, Assam-Meghalaya cadre niin, kum 2002-a Gujarat tualchhung buaina chhui tura ruat zinga mi kha a ni a, khami tum khan tuna PM Narendra Modi pawh an chhui zingah a lo tel tawh a, NIA Director General ni tur hian thla hmasa ni 18 khan a thlan a lo ni tawh a, hemi hma hian hian CBI Special Director hna a chelh a ni. YC Modi hi kum 2001 khan leh 2008-ah te khan a hnathawh that avangin, Police Medal for Meritorious Service leh Police Medal for Distinguished Service tangkapui te hlan a lo ni tawh bawk a ni.