NIA-ten hel pawl pawisa khawn sak chungchangah Nagaland CM hlui, TR Zeliang an ko

National Investigation Agency, NIA te’n NSCN-K hel pawlte chhawmdawlna tur pawisa khawn chungchang an chhui mekah, thu zawhfiah atan Nagaland CM hlui, TR Zeliang an ko. Puan tawh angin NIA-te chuan Nagaland sorkar department hrang hrangah hel pawl-te \anpuina tur pawisa khawn chungchangah, kum 2016 August thla khan thubuai a lo siam tawh a, a finfiahna tur lehkha pawimawh pawh eng emaw zat an man tawh niin an sawi bawk a ni. Hemi kaihhnawihah hian sorkar hnathawk mi 4 chu nikum khan an lo man tawh a, thla hmasa ni 13 khan Zeliang-a hnuaia thawk mi pathum thu an lo zawtfiah tawh bawk a, a thupuangtu, Azeu Namcyn Hau chuan tuna Zeliang-a kohna hi politics thila inbeihna nia an hriat thu leh, koh a nih ni hi State Assembly tharin session a \an ni tur a nih avangin, a kal theih loh tur thu te a sawi bawk a, kohna lehkha pawh a chenna ni loin, CM pisa-a thlen a nih thu te a sawi bawk a ni.