Nikolas Sarkozy-a’n amah puhna in a nun ti hrehawm hle tih sawi

0
353
views

French President hlui Nicolas Sarkozy a’n Libya hruaitu Muammar Gaddafi hnen a\anga campaign-na tur sum dawnga amah puhna chuan a nun a ti hrehawm hle tih a sawi. Magistrate hmaah he thu hi sawiin kum 63 mi Nicolas Sarkozy hian amah puhtu Libya mi te chuan kum 2011-a Gaddafi paihthla tura buaina chhuakah indo thlawhna te a tirh luh vangin a chungah phuba lak an tum niin a sawi a, tih dik loh engmah a nei lo tih a sawi, Sarkozy hi ni hnih police ten thu an zawhfiah hnuah nimin khan chhuah tir a ni a, a hunlaia a minister pakhat Brice Hortefeux pawh police te hian Thawhlehni khan thu an zawtfiah a ni. Sarzoky hian campaign nan Gaddafi hnen a\angin sum thianghlim lo maktaduai tel a dawng nia puh a nih avangin 2013 khan French Sorkar hian a lo chhui chiang tawh a, a puhtu hi French Lebanese sumdawng lian pakhat Ziad Takieddine leh Gaddafi rorelna hnuaia mipawimawh \henkhat te an ni.